Disa gjimnazistë maturantë nga Tirana kanë valëvitur flamurin shqiptar në muret e qytetit të vjetër të Budvës në Mal të Zi. Në këtë moment ka ndërhyrë policia malazeze pas kërkesës së banorëve.
Lajmi bëhet i ditur nga gazeta vendase ‘Vijesti’ sipas të cilës gjimnazistët e kryeqytetit me flamurin në dorë janë fotografuar në një prej plazheve të qytetit.
Shfaqja e flamujve të vendeve të tjera rregullohet me ligj dhe një rregullore të veçantë në Malin e Zi dhe kjo mënyrë e shfaqjes së flamurit cilësohet si kundërvajtje.
Sipas ‘Vijesti’, disa prej nxënësve kanë hipur në muret e vjetra të Budvës, ku policia u ka marrë flamurin e më pas i ka shoqëruar drejt autobusëve për t’u nisur për në Shqipëri.
Po sipas gazetës, policia ka ndërhyrë pas kërkesës së banorëve.
Redaksia Online
(JavaNews.al)
