Golashënuesi më i mirë i Zvicrës në dysezonet e fundit nuk gjen vend as në 18-she për ndeshjen e radhës në kampionat.
Bëjhet fjalë për Shkëlzen Gashin, sulmuesi i Bazelit dhe i kombëtares shqiptare, i cili u la në shtëpi për ndeshjen kundër Young Boys.
Sulmuesi i Kombëtares Shqiptare, nuk u ftua as në 18 e Baselit, për ndeshjen me Young Boys.
Duket se largimi nga kampionët e Zvicrës do të jetë i pashmangshëm, ndoshta që në janar, duke parë se ai nuk preferohet nga Urs Fischer, i cili pasoi trajnerin Paulo Sousa, tani te Fiorentina.
I pyetur për lënien e lojtarit jashtë, Fischer tha se “kam 28 lojtarë, por mund të grumbulloj vetëm 18”, pa ofruar një shpjegim më të qartë.
Të enjten e kaluar, Gashi ishte titullar në humbjen në shtëpi me Belenense për Europa League.
Përkrah sulmuesit ka dalë tenisti Roger Federer, i cili vizitoi skuadrën dhe bëri një foto me Gashin.
“Më duket ironik fakti që Gashi nuk ishte as në 18-she. Ai është golashënuesi më i mirë në dy edicionet e fundit. Sidoqoftë, Baseli po bën punë të mirë dhe ecën drejt titullit”, tha Federer.
