Spartak Ngjela ka thumbuar përmes një postimi në rrjetet sociale humbësit e 11 majit, të cilët nuk pranojnë rezultatin.
Ngjela shkruan se për humbësin në Shqipëri fajin e ka gjithmonë fituesi.
“Ne shqiptarët në të gjithë historinë tonë nuk kemi ditur që, me arsye të pastër, të pranojmë humbjen tonë.
Humbësi që nuk pranon humbjen, kuptohet që ai do të mbetet gjithmonë një humbës mjeran.
Për humbësin, në Shqipëri, fajin e ka gjithmonë fituesi.
Po si mund të akuzohet fituesi, i cili të ka mundur në një luftë apo në një konkurim zgjedhor për pushtet?
Justifikimi për humbjen e zgjedhjeve në Shqipërinë politike, në shumicën e rasteve, ka pasur në mendim një ligësi që është shprehur me një arsyetim krejt fëmininor.
Këta janë në fakt drejtuesit!
Por ne duhet të qeshim me ta për karakterin e tyre fëminor që shfaqin në arsyetimin e humbjes.
Gjithmonë ne kemi parë mendimin e një humbësi që nuk di të shpjegojë me arsye asgjë logjike për humbjen e tij”, shkruan Ngjela.
