Ngjela: Tek ne japin drejtësi gjyqtare të reja me instikte seksuale të pashuara
Avokati Spartak Ngjela ka dhënë idetë e tij për sistemin gjyqësor në konferencën për reformën në drejtësi. Si gjithnjë, origjinal në idetë e tij, Ngjela e vuri theksin edhe tek mosha rinore e gjykatave shqiptare, për gjyqtaret që janë të reja. “Në Vlorë një gjyqtare gjykon 24 mln euro dhe natyrisht ia hedh palës që do ajo, 27 vjeçe, si ka mundësi të ndodhi kjo. S’ka gjyqtar në Angli nën 50 vjeç. Gjykata jonë është rinore, shumica me instikte seksuale të pashuara dhe japin drejtësi. S’është aq e thjeshtë çështja sa mendojmë ne”,- tha Ngjela. Sipas avokatit, sistemi ynë gjyqësor nuk vlen dhe se duhet ndërruar sistemi.
“Sistemi ka lindur korrupsionin, korrupsioni është një marrëveshje e heshtur midis politikës dhe gjyqësorit duke përfshirë ndoshta edhe prokurorinë…Nuk e jep gjykata drejtësinë, drejtësinë e jep populli, ku e kemi ne këtë parim? Noteria ka falsifikuar gjithë çështjen e pronave në Shqipëri, i duhet dhënë urgjent gjykatës së lartë noteria. …Në krizë është edhe prokuroria, është akoma leniniste, të decentralizohet sipas qarqeve, të paktën do jetë gjysma e të keqes”, theksoi Ngjela.
