Avokat Spartak Ngjela, ka bërë një analizë, lidhur me zhvillimet më të fundit brenda PS-së, në prag të Kongresit të nesërm të kësaj force politike. Përgjatë emisionit “Të paeskpozuarit” të Ylli Rakipit, Ngjela është shprehur se në përballjen Rama- Blushi, këtij të fundit i janë rritur aksionet politike. “Blushi ka kapur rastin dhe kërkon të dalë protagonist. Blushi ishte nën nivelin e detit, ishte me kuota nën 0. E vetmja gjë që spikat është protagonizmi i Blushit, është novacion. Ishte parti e ngrirë, nuk kishte zëra intelektiv. Befas del një protagonist, i cili është kapur me proçedurat. Nuk është e kotë sepse demokraci do të thotë procedurë”, është shprehur Ngjela.
Sipas tij në thelb të këtyre debateve për zgjedhje, statut etj., qëndron një pyetje themelore nëse Rama ka frikë për tu përballur në një garë me Blushin? “Mbase ka frikë që nuk fiton. Problemi në Partinë Socialiste është fakti se kishte një kokë tani befas u bë me dy. Unë jam që të fitojnë këta zgjedhjet jo Saliu. Kush nga këta bëhet me oportun për të drejtuar fushatën? Është Blushi apo Rama? Natyrisht Blushi ka të drejtë të thotë nëmni partinë të fitoj zgjedhjet”, shprehet Ngjela. Avokati nuk ka ngurruar të komentojë edhe qëndrimet e deputetes Mimoza Hafizi, e cila hapur mbështet Blushin. Sipas tij, Hafizi është nga njerëzit më të mençur në PS. Ngjela nënvizon se kur Hafizi thotë se nuk ka nivel demokracie në PS, ky kosntatim bëhet nga një personalitet me intelekt.
