Është shtuar në katër numri i deputetëve që po hetohen nga Prokuroria e Shtetit për veprat penale, shkaktim i rrezikut të përgjithshëm dhe përdorim i armës.
Tashmë janë bërë dy raste të ndryshme për veprat dhe rastin e njëjtë – hedhjen e gazit lotsjellës në Kuvend.
Prokuroria ka konfirmuar për KTV-në se ka dy të dyshuar për rastin e hedhjes së gazit për të dytën herë në sallën ku mbahet seanca e Kuvendit.
Deputeti i Vetëvendosjes, Faton Topalli dhe shefja e grupit parlamentar të AAK-së Donika Kadaj – Bujupi, janë ata që gjuajtën gazin këtë herë për ta ndërprerë seancën.
Deputetët janë ftuar nga Policia që të paraqiten në stacion për t’u intervistuar.
Por deputetja Kadaj – Bujupi ka zgjedhur që me një letër publike t’i drejtohet prokurores Fikrije Krasniqi – Zejnullahu, e cila të enjten kishte dalë në vend të ngjarjes.
Ka thënë se ‘prokurorja e ka padron kryeministrin Isa Mustafa’. Këto deklarata, Prokuroria e Shtetit i ka quajtur ‘ndërhyrje ose presion në sistemin prokurorial.
