Një burrë ka humbur jetën pasi është qëlluar me gurë. Ngjarja ka ndodhur në fshatin Lolaj pranë Peqinit.
Policia e Elbasanit bëri sot me dije se ngjarja ka ndodhur pak para mesnatës duke gdhirë dita e sotme.
Raportohet se ka ndërruar jetë shtetasi Sh.H., 64 vjeç, banues në fshatin Lolaj.
Specialistët për Hetimin e Krimit në Komisariatin e Policisë Peqin, thanë se arrestuan në flagrancë shtetasin S.Ç., 51 vjeç, banues në fshatin Lolaj, Peqin.
“Arrestimi i tij u bë pasi më datë 10.09.2020, rreth orës 23:30, në fshatin Lolaj, Peqin, gjatë një konflikti të çastit për motive të dobëta shtetasi S.Ç ka goditur me mjet të fortë (gurë), shtetasin Sh.H., 64 vjeç, banues në fshatin Lolaj, Peqin, i cili si pasojë e plagëve të marra ka ndërruar jetë sapo ka mbërritur në Spitalin Rajonal të Elbasanit.
g.kosovari
