Një histori e vështirë për tu besuar por e vërtetë ka shokuar Britaninë e Madhe.
një 14-vjeçar është arrestuar pasi një grua dyshohet se është përdhunuar në tualetin e një klubi nate prej tij. Adoleshenti u ndalua pas incidentit tronditës në klubin “Bloom”, në fshatin Gay të Mançesterit në orët e para të mëngjesit të së mërkurës.
Një grua dhe miqtë e saj u thanë policëve se atyre iu afrua një adoleshent duke u ofruar t’u shiste drogë rreth orës 4:15 të mëngjesit dhe ai shkoi në tualet me gruan që më vonë u bë preja e tij. Dyshohet se gruaja është përdhunuar brenda njërës prej kabinave. Ajo thuhet se u ka dërguar mesazh miqve të saj duke kërkuar ndihmë rreth njëzet minuta më vonë, ndërsa ata kanë lajmëruar stafin e klubit.
Stafi i sigurisë e gjeti adoleshentin dhe e ndaloi jashtë vendit të ngjarjes, por ai u lejua të largohej pasi viktima nuk donte të lajmëronte policët, sipas një raporti të policisë.
Por një nga miqtë e viktimës kontaktoi policinë rreth orës 5 të mëngjesit për të raportuar përdhunimin e dyshuar dhe oficerët mbërritën në klubin e natës. Djali 14-vjeçar u arrestua më pas me dyshimin për përdhunim dhe u dërgua në paraburgim për t’u marrë në pyetje përpara se të lirohej me kusht.
Duke folur në një seancë për licencimin të premten, oficeri i policisë Stuart Hammersley tha se detektivët besojnë se adoleshenti hyri në klub duke përdorur një ID të rreme. Dhe oficerëve iu tha gjithashtu se një roje sigurie kishte hyrë në tualet, kishte trokitur në derë dhe aty kishte kuptuar se brenda ishin dy persona, por ai u largua pa ndërmarrë asnjë veprim./m.j
