Drejtori teknik në Spitalin Rajonal të Shkodër ka hedhur poshtë dyshimet se në godinë ka rënë zjarr.
Në një intervistë për ABC News, ai shprehet se në dhomën teknike të paneleve diellore, shtresat termoizoluese të cisternave kanë nxjerrë tym. Në lidhje me shërbimin, ai tha se çdo gjë është në rregull dhe se pacientët nuk janë evakuuar.
“Ju informoj se nuk ka rënë zjarr në Spitalin Rajonal të Shkodrës. Në dhomën teknike të paneleve diellore, shtresat termoizoluese të cisternave kanë nxjerrë tym. Nga kontrolloi i deritanishëm nuk rezulton se ka pasur defekt teknik. Asnjë shërbim nuk është prekur nga tymi që ka dalë. Nuk ka pasur asnjë problem në shërbimin mjekësor dhe nuk është dashur të kryhet ndonjë veprim për evakuimin e pacientëve. Do jetë ekspertiza qe do zbuloje se nga ka dalë tymi”, tha ai.
