Ministri i Brendshëm Saimir Tahiri ka reaguar në lidhje me protestën e djeshme në Kukës të disa qytetarëve për faljen e kamatëvonesave. Përmes një postimi në rrjetet sociale, Ministri Tahiri ka theksuar se edhe pse protesta e djeshme ishte e paligjshme pasi nuk ishte marrë leja, Ministria e Brendshme ka vendosur të pezullojë efektivin e policisë i cili ka nxjerrë armën.
Tahiri shprehet se pjesëmarrja e armëve në një tubim është e paligjshme por po në këtë mënyrë ishte edhe sjellja e punonjësit të policisë. Ministri ka nënvizuar se për këtë ngjarje kanë nisur hetimet dhe se do rishikohen aktet dhe procedurat për zbatim në rastet e tubimeve dhe masave policore.
Pavaresisht se protesta e disa qytetareve ne Kukes ishte e paligjshme dhe e dhunshme, punonjesi i Policise se Shtetit eshte pezulluar deri ne hetimin e plote te ligjshmerise se veprimeve dhe zbatimit te procedurave te parashikuara. Pjesemarrja me arme ne nje tubim, eshte e paligjshme. Ashtu sic eshte teresisht e papranueshme sjellja e punonjesve te policise qe tejkalojne ligjin per ti bere balle paligjshmerise se cilitdo. Detyrimi i punonjesve te policise per te respektuar ligjin, eshte me i madh se liria qe cdo qytetar mund ti jape vetes per te shkelur ligjin.
Hatimi disiplinor i Policise se Shtetit, Sherbimi i Ankesave dhe Ceshtjeve te Brendshme dhe Drejtoria e Inspektimit prane Ministrit te Brendshem, do hetojne plotesisht kete rast, si dhe do rishikohen aktet dhe procedurat per zbatim ne rastet e tubimeve dhe masave policore.
Ashtu sic besoj, hetimet e Prokurorise do nxjerrin pergjegjesite perkatese, pa kursyer kerkend.
Ditën e djeshme një grup qytetarësh protestuan në Kukës për faljen e kamatëvonesave duke bllokuar edhe rrugën e Kombit. Ata nuk kishin leje për zhvillimin e kësaj proteste çka bëri që policia të ndërhyjë duke shpërndarë me dhunë qytetarët.
https://www.youtube.com/watch?sns=fb&v=QpFsyknLC0Q&app=desktop
Redaksia Online
(JavaNews.al)
