Një 61-vjeçar taksist ka humbur jetën duke drejtuar makinën e tij. Policia thotë se ngjarja ka ndodhur tek Kthesa e Kamzës, ku shoferi fillimisht ka humbur ndjenjat, por më pas ka rezultuar se ai ka ndërruar jetë.
Sipas bluve të kryeqytetit, paraprakisht dyshohet se vdekja e 61-vjeçarit ka ardhur për shkaqe natyrale.
“Më datë 20.04.2023, rreth orës 16:15, te mbikalimi te Kthesa e Kamzës, shtetasi A. Z., 61 vjeç, duke drejtuar mjetin tip taksi ka humbur ndjenjat. Stafi i ambulancës ka konfirmuar se ka ndërruar jetë dhe paraprakisht dyshohet për vdekje natyrale”, thotë policia.
Ndërkohë grupi hetimor po punon për sqarimin e rrethanave të ngjarjes.
