Zëvendës ndihmës sekretari i Shtetit për Evropën dhe Azinë, Hoyt Brian Yee, ka nisur takimet zyrtare në Tiranë, ndersa vizita e tij shihet si përpjekja e fundit për të arritur një marrëveshje politike mes mazhorancës dhe opozitës për zgjedhjet parlamentare.
Zyrtari i DASH është takuar për rreth 80 minuta me kryeministrin Edi Rama paraditen e së hënës, si një përpjekje e fundit që mazhoranca dhe opozita të arrijnë një marrëveshje për zgjidhjen e krizës.
Ndonëse takimi ishte parashikuar 1 orë, biseda Rama-Hoyt ka vijuar edhe 20 minuta më shumë seç ishte përcaktuar në axhende
Eskorta e zyrtarit të DASH ka mbërritur fiks në 10:30 në godinën e kryeministrisë, ashtu sic ishte parashikuar ne axhende
Pas takimit me Ramën, “Buldozeri” amerikan ka mbërritur në zyrën e kryeparlamentarit në detyrë, Ilir Meta. Hoyt Brian Yee ka zhvilluar një bisede rreth 50 minuta me Metën, ku fokusi ka qene zgjidhja e ngërçit politik
Pasdite, zyrtari i lartë i DASH do të takohet me kryetarin e opozites, Lulzim Basha.
Amerikani, përpos Ramës, Metes dhe Bashës, do te takohet edhe deputetet rebele të PD, Bregu, Selami, Topalli dhe Patozin.
Ora 12:45
Perfundon takimi rreth 50 minuta i zyrtarit të DASH me presidentin e zgjedhur Ilir Meta.
Ora 11.51
Zv.ndihmëssekretari amerikan i Shtetit, Hoyt Brian Yee mberrin ne zyren e Presidentit te zgjedhur, Ilir Meta.
Ora 11.48
Përfundon pas 80 minutash takimi mes zyrtarit te larte te DASH dhe kryeministrit Rama. Ndonese ishte parashikuar 60 minuta ne axhende, takimi ka zgjatur edhe 20 minuta me shume.
Ora 10.30
Siç ishte parashikuar zyrtari i larte amerikan ka mberritur ne zyren e kryeministrit Rama per te diskutuar lidhur me plotesimin e kushteve te opozites dhe futjen e saj ne zgjedhje.
***
Zyrtari i DASH, Hoyt Brian Yee ka mbërritur në Tiranë në kuadër të gjetjes së një zgjidhje për ngërçin politik.
Zyrtari i lartë i DASH i njohur ndryshe si “Buldozeri”, është një njohës shumë i mirë i çështjeve të Ballkanit, pasi ka shërbyer në disa misione në këto vende.
Zyrtari amerikan do të zhvillojë takim me kryeministrin Edi Rama në orën 10:30.
Në 11:30 zyrtari i DASH do të takohet me kryeparlamentarin Meta.
Ndërkohë që takimi i tij me kreun e demokratëve është planifikuar të mbahet në orën 14:45.
Zyrtari i lartë i DASH, Hoyt Brian Yee do të vijë sot në Tiranë me qëllim për të bindur Bashën që të futet në zgjedhjet e 18 qershorit.
Amerikani përpos Ramës dhe Bashës ka kërkuar një takim edhe me grupin ‘rebel’ të PD, që kanë dalë kundër kryetarit të PD.
Në orë 17:00 Hoyt Brian Yee do të takohet me Astrit Patozin, Majlinda Bregun, Eduard Selamin dhe Jozefina Topallin.
Vetëm një ditë para mbërritjes së tij në Tiranë, zëvendësndihmës-sekretari Amerikan i Shtetit, Hoyt Brian Yee ka bërë një apel për të gjitha vendet e rajonit. Ai thote se qytetaret i japin besim politikaneve per tu perballur ne fushen e betejes qe eshte Parlamenti.
“Parlamentet duhet të përfaqësojnë dhe mbrojnë interesat e qytetarëve. Deputetët që bojkotojnë Parlamentin shmangin përgjegjësinë e tyre dhe injorojnë këshillën e ish-Presidentit të SHBA-ve, Theodore Roosevelt, se besimi i takon njeriut që është në të vërtetë në fushë betejë, jo njeriut që tregon se si të pengojë më të fortin”, tha Yee, sipas nje artikulli të botuar në portalin European Western Balkans.
Mesazhi i tij vjen ne nje moment kur me shume se kurre syte per te zgjidhur krizen politike ne Tirane jane drejtuar nga Uashingtoni. Hoyt Brian Yee pritet te zhvilloje neser takime me kreret e larte te shtepit dhe liderin e opozites Basha./javanews.al/a.ç
