Duket se kriza politike po shkon drejt zgjidhjes. Burimet brenda PD flasin se palët po shkojnë drejt dakortësisë për zgjedhje në muajin korrik, dhe drejt një marreveshje per te futur PD ne zgjedhje, teksa ndodhet ende në diskutim paketa e McAllister dhe ajo e Ramës.
Të njëjtat burime thonë se dy janë çështjet që pritet të marrin zgjidhje, miratimi i Vettingut ku po diskutohet nëse do kalojë në parlament para ose pas nënshkrimit të marrëveshjes.
Teksa thuhet se kryeministri Edi Rama ka pranuar që zgjedhjet te mos shtyhen më vonë se sa 23 korriku, por opozita kërkon zgjedhje në shtator. Megjithatë opozita mesohet se mbetet e hapur për të negociuar per daten e zgjedhjeve.
Ndërsa negociatat janë intensive mësohet gjithashtu se kryeministri ka pranuar faktin se mund të përdoret identifikimi elektronik i votave në zgjedhjet e ardhshme, çështje të cilën e ka kërkuar që në krye të herë opozita, por jo votimi elektronik pasi do kohë implementimi.
Duke qenë se në paketën e Mc Allister parashikohej zgjedhja e një presidentit konsensual me opozitën, një proçes ky që ka përfunduar tashmë në parlament nga paketa e propozuar nga kryeministri mund të merret në konsideratë propozimi që opozita të japë dakortësinë e saj për postin e zëvendës kryeminsitrit.
Çfarë parashikon paketa McAllister?
— Ndryshime në strukturën qeveritare – 4 ministra të propozuar nga opozita
— Kryetari i KQZ t’i lihet opozitës
— Ndryshime në strukturën e Policisë së Shtetit
— Avokati i Popullit të propozohet nga opozita
— Ndryshime në Kodin Zgjedhor (forcim të penaliteteve për rastet e shitblerjes së votës)
— Paketës McAllister do t’i bashkohet propozimi i Ramës për zv/kryeministër teknik./a.ç
