Kreu i ekzekutivit kosovar theksoi se duhet një vlerësim i brendshëm, jo vetëm i Kosovës, por edhe i Shqipërisë se pse po ngecëzbatimi. Këto komente, Haradinaj i bëri pasi u pyet nga deputeti i Lëvizjes Vetëvendosje, Xhelal Sveçla, rreth zbatimit të marrëveshjeve të arritura deri me tani nga takimet e dy qeverive.
“Kapaciteti për të bashkëpunuar bashkë me Republikën e Shqipërisë qeverisës ekziston, por nuk është aq në zbatim, nuk ka ndodhur mjaftueshëm, në të kaluarën, mendoj as tash jo. Ekziston një ndjenjë e mirë, në vullnet i madh, ekziston një. Por praktikisht ka disa po i quaj ashtu që çalon në disa aspekte. Të gjitha marrëveshje që atëherë që janë nënshkruar e deri sot, është dashur të arrijnë në Kuvend, do të kërkoj që me shkresa t’iu vijnë deputetëve. Do ndoshta evoluim të brendshëm pse ngecë zbatimi, pra i të dy qeverive, nuk mendoj vetëm i Kosovës, por edhe i Shqipërisë. Do të thotë do një vlerësim të brendshëm pse ngecë zbatimi”, tha Haradinaj.
Kosova dhe Shqipëria deri tani kanë mbajtur tri mbledhje të përbashkëta të qeverive, në Prizren, Vlorë e Korçë, nga janë nënshkruar një numër i madh i marrëveshjeve të bashkëpunimit, por që deri më tani edhe nga opinionit dhe media është vlerësuar se ato nuk kanë prodhuar ndonjë efekt./a.m.
