Një shofer shqiptar kamioni që udhëtonte në jug të Italisë, në autostradën Brenner, është ndaluar për një kontroll nga policia rrugore në pikën e pagesës në Vipiteno.
Policia ka gjetur të fshehura në kabinën e shoferit të kamionit 34 kilogramë kokainë, e cila kap vlerën e 3 milionë eurove.
Drejtuesi i kamionit u arrestua dhe u transferua në burgun e Bolzanos. Sipas mediave italiane, shqiptari, i cili jeton në Itali, do të dalë para gjykatës këto ditë.
Kokaina, me vlerë rreth tre milionë euro, thuhet se nuk ishte e destinuar për tregun e Tirolit të Jugut, ndërsa kontrabandisti i dyshuar i drogës përballet me një dënim me burg nga nëntë deri në 30 vjet./m.j
