Një sasi prej gjysmë ton kokainë u sekuestruar nga policia gjermane në Neu-Ulm, duke çuar gjashtë persona në pranga, ndërsa një i shtatë arriti të shpëtonte.
Lënda narkotike ishte fshehur mes kutive me banane të porositura nga një shitës me shumicë në zonë, i cili lajmëroi policinë pasi kreu kontrollin e zakonshëm të cilësisë së mallit duke vërejtur pako të dyshimta në kutitë e barnave.
Si pjesë e kontrolleve, hetuesit zbuluan se dy kamionë që kishin mbërritur në kompani për shkarkim dhe që ishin ngarkuar në të njëjtin port në Holandë. Një kamion i tretë u kontrolluar gjithashtu nga autoritetet holandeze, por që nuk zbuluan asgjë të dyshimtë. Në përfundim të kontrolleve të imtësishme të dy kamionëve, zyrtarët gjetën pothuajse 500 kilogramë kokainë të fshehur nëpër kuti.
Përballja me trafikantët natën midis të shtunës dhe të dielës
Gjithsej shtatë vetë erdhën në magazinën me shumicë, tre prej të cilëve hynë brenda. Ata donin ta nxirrnin kokainën nga salla dhe katër ndihmës të tjerë erdhën me çanta. Njësitë speciale të policisë bavareze arrestuan gjashtë prej tyre në afërsi të ndërtesës. Kërkimet ishin komplekse me helikopterë dhe qen shërbimi për të arratisurin, por pa asnjë dobi. Ende nuk dihet identiteti i tij.
Të arrestuarit janë gjashtë burra të moshës 24 deri në 39 vjeç. Pesë prej tyre janë shtetas shqiptarë, dhe tjetri nga Rumania. Policia dyshon se burrat udhëtuan nga vendlindja për në Bavari posaçërisht për këtë krim dhe do të ishin larguar menjëherë më pas.
“Vetëm përmes një bashkëpunimi të ngushtë ndërkombëtar, autoritetet e sigurisë mund të vazhdojnë të luftojnë trafikun e organizuar të drogës“, tha Robert Heimberger, Presidenti i Zyrës së Policisë Kriminale të Shtetit bavarez në një deklaratë të përbashkët për shtyp nga zyra e prokurorit publik Memmingen dhe Zyra e Policisë Kriminale të shtetit bavarez.
Ai tha se pastërtia e sasisë së madhe të drogës së rrezikshme tregon qartë se sa të paskrupullt dhe të mirëorganizuar janë grupet kriminale që fitojnë shuma të mëdha parash.
Për shkak të operacionit policor, trafiku hekurudhor i Illertalbahn u desh të pezullohej përkohësisht.
/Panorama/
