Një ngjarje e rëndë ka ndodhur pasditen e sotme në Tiranë ndërsa dy shtetas kanë mbetur të plagosur.
Policia e kryeqytetit bën me dije se rreth orës 15:00, në zonën e Unazës së Re, si pasojë e një konflikti të ndodhur jashtë një lokali, kanë mbetur të plagosur me thikë shtetasi A. M., rreth 27 vjeç dhe e fejuara e tij, shtetasia K. K., rreth 23 vjeçe.
Shtetasit e dëmtuar janë transportuar për ndihmë mjekësore në Spitalin Ushtarak dhe aktualisht ndodhen jashtë rrezikut për jetën.
Nga hetimet e para dyshohet se sherri ka nisur pasi njeri nga tre autorët ka ngacmuar të fejuarën 27-vjecarit.
Pasi kanë kryer plagosjen me thikë, tre autorët janë larguar me shpejtësi, ndërsa policia i ka arrestuar pak minuta më vonë. Ata janë H.N, Ç. Sh dhe F.P.
/b.d