Një vajzë e re nga një fshat i Beratit, ka rënë pre e ngacmimit seksual nga një djalë.
Nën akuzë është vënë Dashnor Begaj, 30 vjeç, banues në fshatin Drenovicë, Berat.
Ai dyshohet se ka kryer vepra të turpshme me shtetasen D.S., 17 vjeçe.
Mësohet se Begaj i ka bërë pritë në rrugë, duke prekur në pjesë intime adoleshenten si dhe ka prekur organin e tij gjenital.
E reja ka bërë rezistencë, dhe i ka shpëtuar duarve të 30-vjeçarit, duke bërë denoncimin në polici.
Por Begaj ka kundërshtuar edhe punonjësit e policisë, gjatë shoqërimit.
Lidhur me këtë ngjarje hetimet janë në vijim për të zbuluar më shumë detaje, ndërkohë që 30-vjeçari u vu në prangat e policisë për veprat penale, “Vepra të turpshme” dhe “Kundërshtimi i punonjësit të policisë së rendit publik”. /b.d
