Pas shkarkimit të Stefan Çipës nga posti i drejtorit të Përgjithshëm të Burgjeve, në vend të tij është emëruar Agim Ismaili.
Ismaili deri më tani ka mbajtur postin e drejtorit të Autoritetit Kombëtar të Ushqimit. Ai do të kalojë nga siguria e ushqimeve tek burgjet, të cilat janë në situatë reformimi.
Drejtori i ri i Burgjeve ka përvojë policore dhe ka punuar për disa vite edhe në Drejtorinë e Policisë Elektrike.
Agim Ismaili, në profesion ekonomist u emërua në krye të AKU-së në tetor të viti 2017. Më herët Ismaili mbante postin si nëndrejtor i Parandalimit të Pastrimit të Parave, pra eskpert i krimit ekonomik.
Emërimi i tij në krye të AKU-së erdhi me bujë asokohe, pas shkarkimit nga Rama të ish drejtorit Dritan Sejko i akuzuar për abuzime.
Kujtojmë që, shkarkimi i Stefan Çipës si Drejtor i Burgjeve u bë publik sot duke qendruar vetëm për 5 muaj në këtë detyrë pasi zëvendësoi Arben Çukon,
Më herët Burgjet janë drejtuar nga Artur Zoto, Arjan Hoxha, Arben Çuko deri sot me Stefan Çipën.
