Dhuna në familje po kthehet tashmë në një plagë të rëndë të shoqërisë shqiptare. Pas vrasjes së gjyqtares Hafizi nga ish-bashkëshorti, dhjetëra raste të reja denoncohen çdo ditë.
Sensibilizimi për t’i dhënë fund këtij fenomeni duket se po jep efekte të kundërta. Një tjetër rast i rëndë raportohet nga policia. Një person ka kërcënuar nga burgu bashkëshorten e tij. Ai ka ushtrur dhunë psikologjike ndaj gruas përmes telefonit. Mësohet se 40-vjeçari ndodhet në burg pikërisht për dhunë në familje.
“Nga unë nuk ke për të shpëtuar dot,” mësohet t’i ketë thënë 40-vjeçari bashkëshortes në telefon.
“Më datë 07.09.2017, u referuan materialet në Prokurorinë e Rrethit Gjyqësor Tiranë, për shtetasin A.L vjeç 40, banues në Tiranë, pasi dyshohet se nëpërmjet telefonit, nga burgu ku vuan dënimin për dhunë në familje, ka kanosur bashkëshorten E.L, vjeç 37, banuese në Tiranë,” lajmëron policia./a.m.
