• Kontakt
  • Kreu
  • Rreth Nesh
Thursday, November 12, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kronikë

Nga tritoli për ish-zv.drejtorin e Policisë te atentati ndaj biznesmenit, e shkuara kriminale e mikut të Shullazit

by A R
19/01/2018 17:15
Shperndaj ne FacebookShperndaj ne Twitter

Një 31-vjeçar me një histori “të pasur” kriminale, por edhe “i falur” dy herë nga Gjykatat, është arrestuar sërish nga Policia e Tiranës.

Së fundmi, ai akuzohet për vendosjen e një sasie eksplozivi në makinën e një biznesmeni inertesh në zonën e Liqenit të Thatë, që fatmirësisht, nuk pati të plagosur. Por nga ana tjetër, ndaj tij kishte edhe një masë sigurie “arrest me burg” në mungesë, dhënë nga Gjykata për akuzën e vjedhjes së kryer në bashkëpunim, shkruan “Panorama”

klajdi-gjeci-700x459

Bëhet fjalë për Klajdi Gjeçin, i njohur edhe si mik i Emiljano Shullazit, i përfshirë disa herë në ngjarje të rënda kriminale. Ngjarja më e bujshme, ku u përfol emri i tij, është ajo e vitit 2011, kur në banesën e ish zv.drejtorit të Policisë së Tiranës, shpërtheu një sasi eksplozivi.

Në atë kohë Gjeçi u arrestua, pasi gjatë kontrollit në banesën e tij, si i dyshuar për këtë ngjarje, u gjet një pistoletë pa leje. Ai pretendoi se ishte një armë e vjetër, që e mbante për vetëmbrojtje, ndërsa mohoi të kishte lidhje me sulmin në banesën e zv.drejtorit të Policisë.

Pak kohë pas arrestimit, ai u lirua nga burgu, pasi të gjitha shkallët e gjyqësorit, edhe pse e konsideruan të ligjshëm arrestimin, ndryshuan masën e sigurisë në “detyrim paraqitje”, me arsyetimin se nuk kishte pasur leje për kontroll banese.

ARRESTIMI

Policia e Tiranës njoftoi dje se është arrestuar autori i dyshuar i shkatërrimit të pronës me lëndë eksplozive tek “Liqeni i Thatë”. Ndërsa shtoi se ky shtetas ishte i shpallur në kërkim për vjedhje të kryer në bashkëpunim. Sipas Policisë, personi i ndaluar ka qenë i dënuar më parë edhe për shitje të narkotikëve dhe armëmbajtje pa leje.

“Në vijim të punës për zbardhjen e ngjarjeve të ndodhura më parë, si dhe të kapjes së autorëve apo të personave të shpallur në kërkim, specialistët për Hetimin e Krimeve të Rënda në Policinë e Tiranës, kanë bërë kapjen dhe ndalimin e shtetasit në kërkim, Klajdi Gjeçi, 31 vjeç, banues në Tiranë, i dënuar më parë për veprat penale ‘Prodhimi dhe shitja e narkotikëve’ dhe ‘Prodhimi dhe mbajtje pa leje e armëve luftarake dhe e municionit’. Gjykata e Tiranës, ka vendosur masën e sigurisë ‘Arrest me burg’, për veprën penale të ‘Vjedhje’ e kryer në bashkëpunim.

Gjithashtu, ky shtetas dyshohet si autor për veprën penale ‘Shkatërrimi i pronës me eksploziv’, tek ‘Liqeni i Thatë’, ku pranë një pikë inertesh,i është vendosur lëndë eksplozive automjetit në pronësi të shtetasit Ndok Rajta”,- tha dje Policia e Tiranës.

NGJARJET

Klajdi Gjeçi, i cili u arrestua dje nga Policia, është një eksponent i njohur kryesisht për Policinë Kriminale. Në vitin 2011, ai është proceduar për armëmbajtje pa leje, ndërsa në vitin 2015, për plagosje të rëndë me dashje.

Në të dyja këto raste 31-vjeçari është lënë i lirë nga Gjykata, pasi çështjet janë pushuar. Klajdi Gjeçi ka qenë person i dyshuar, gjithashtu edhe për vendosjen e eksplozivit në banesën e ishzv.drejtorit të Policisë së Tiranës, ngjarje e ndodhur më 8 Dhjetor 2011.

Në atë kohë, Policia kishin dyshime të forta se 31-vjeçari ka qenë i përfshirë në këtë ngjarje kriminale. Kjo ka qenë arsyeja që Policia shkoi për kontroll në banesën e tij dhe e arrestoi për armëmbajtje pa leje. Por Gjykata më pas e la të lirë me pretendimin se Policia duhet të kishte marrë urdhër gjykate për të kontrolluar shtëpinë e të dyshuarit.

Ndërsa në lidhje me një plagosje të rëndë me dashje, të ndodhur më 15 maj 2015, Klajdi Gjeçi u la i lirë 4 muaj më vonë, pasi i dëmtuari E. Nushaj e tërhoqi padinë. Në dhjetor 2015, u raportua se Klajdi Gjeçi u mor peng nga tre persona me një automjet “BMW X5” dhe u dhunua prej tyre derisa u zbulua nga Policia. Por pas lirimit, ai pretendoi se nuk ishte mbajtur peng dhe as nuk ishte dhunuar nga njeri.

PRECEDENTET

Më 30 shtator 2017, në zonën e Liqenit të Thatë në Tiranë, dyshohet se Klajdi Gjeçi i ka vendosur një sasi eksplozivi në makinë biznesmenit Ndok Rajta. Nga shpërthimi, fatmirësisht nuk pati persona të plagosur.

Në korrik të vitit 2016, Gjeçi u denoncua nga një 21-vjeçar, me iniciale O.Dh., i cili pretendonte se ishte dhunuar dhe kërcënuar me pistoletë në kokë, për shkak të një borxhi të pakthyer. Tri javë pas këtij kallëzimi, i riu u plagos nga miku i Klajdi Gjeçit, në shenjë hakmarrjeje.

Më 25 dhjetor 2015, në afërsi të “Farmacisë 10”, në Tiranë, u raportua se Klajdi Gjeçi ishte marrë peng nga 3 persona, dy prej të cilëve u arrestuan, por vetë i dëmtuari nuk preferoi t’i denonconte, madje mohoi të ishte marrë peng.

Më 15 maj 2015, Klajdi Gjeçi u akuzua për plagosjen e rëndë të shtetasit E. Nushaj, ngjarje që ndodhi në Tiranë. Por 4 muaj më vonë, i dëmtuari e tërhoqi padinë, duke deklaruar se mosmarrëveshjet mes tyre ishin mbyllur. Në vitin 2012, ai u arrestua nga Policia po për armëmbajtje pa leje.

Më 8 dhjetor 2011, Klajdi Gjeçi u arrestua për armëmbajtje pa leje dhe si i dyshuar për sulmin me eksploziv në banesën e ish-zv.drejtorit të Policisë së Tiranës, Dorian Muça, por u lirua disa muaj më vonë. Aktualisht, ndaj tij kishte dhe një masë sigurie “arrest me burg” në mungesë nga Gjykata e Tiranës, për vjedhje të kryer në bashkëpunim.

Next Post
Brazil/ Pele shtrohet në spital, bota e futbollit mban frymën

Brazil/ Pele shtrohet në spital, bota e futbollit mban frymën

Leave a Reply Cancel reply

Your email address will not be published. Required fields are marked *

TË FUNDIT

Aksident në Milot, katër të lënduar, një në gjendje të rëndë

Aksident në kryqëzimin e Rrilës në Lezhë, automjeti përplas 78-vjeçaren! Nën hetim drejtuesi, ja si paraqitet gjendja e të moshuarës

November 12, 2026
Safiri i familjes Romanov shitet për shifrën marramendëse në ankandin e Gjenevës!

Safiri i familjes Romanov shitet për shifrën marramendëse në ankandin e Gjenevës!

November 12, 2026
Risia/ AKSHI prezanton “e-Gjoba”, të gjitha gjobat administrative në një platformë të vetme!

Risia/ AKSHI prezanton “e-Gjoba”, të gjitha gjobat administrative në një platformë të vetme!

November 12, 2026
BE reagon për krizën politike të Prishtinës: I takon Kushtetueses ta gjykojë formimin e Qeverisë dhe të Kuvendit të Kosovës!

BE shprehet e shqetësuar për mundësinë e ndryshimit të ligjit për Gjykatën Speciale në Kosovë: Nevojë për konsultime paraprake!

November 12, 2026
Autori i të shtënave në Uashington gjendet i pajetë pas përplasjes me Policinë! Një viktimë dhe katër të plagosur

Autori i të shtënave në Uashington gjendet i pajetë pas përplasjes me Policinë! Një viktimë dhe katër të plagosur

November 12, 2026
pellumb karameta

Pse nuk mund të imponohet një qeveri teknike?

November 12, 2026
Rritja e çmimeve nga konflikti në Lindjen e Mesme, Gjermania ul taksën e karburantit për 2 muaj

Bordi i Transparencës ndryshon përsëri çmimin e karburanteve, ja me sa do shiten nafta dhe benzina në treg!

November 12, 2026
Përsëri pa “tym të bardhë”! Përfundojnë bisedimet për Ukrainën, mediat e huaja: Rezultati ende i paqartë!

Përsëri pa “tym të bardhë”! Përfundojnë bisedimet për Ukrainën, mediat e huaja: Rezultati ende i paqartë!

November 12, 2026
Tjetër varrezë masive? Gjenden mbetje mortore në Shtërpcë, dyshohet se i përkasin personave të zhdukur gjatë luftës në Kosovë

Tjetër varrezë masive? Gjenden mbetje mortore në Shtërpcë, dyshohet se i përkasin personave të zhdukur gjatë luftës në Kosovë

November 12, 2026
Irani takim për sigurinë rajonale me Arabinë Saudite, Turqinë dhe Pakistanin

Irani kërcënon SHBA-të: Përgjigjja ndaj çdo sulmi amerikan do të jetë 10 herë më e ashpër!

November 12, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In