Ndërrimi i orës verore rikthehet këtë të diel, më 29 mars 2026, duke shënuar kalimin zyrtar në orën verore në shumë vende të Evropës, përfshirë edhe Bashkimi Evropian.
Sipas rregullit në fuqi, akrepat do të lëvizin një orë përpara në 02:00 të mëngjesit, duke u bërë 03:00. Kjo do të thotë më pak gjumë natën, por më shumë dritë natyrale pasditen.
Vitet e fundit kjo praktikë ka qenë objekt debatesh të shumta, pasi disa studime sugjerojnë se ndikimi në kursimin e energjisë është i kufizuar, ndërsa efektet në shëndetin dhe ritmin biologjik të njerëzve mund të jenë të ndjeshme.
Pavarësisht diskutimeve, vendimi për të hequr ose jo ndryshimin sezonal të orës ende nuk është finalizuar nga institucionet evropiane, ndaj njerëzit do të vijojnë të përshtaten me këtë ndryshim dy herë në vit.
Ndërkohë, ekspertët këshillojnë që ndryshimi i orës të shoqërohet me një përshtatje graduale të orarit të gjumit, për të shmangur lodhjen dhe ndikimin në përditshmëri.
Kështu, mos harroni të rregulloni akrepat e orës! ◴
