Paolo Maldini deklaroi pak ditë më parë, në një lidhje LIVE në “Instagram” me Bobo Vierin, se është futbollisti më humbus në historinë e futbollit. Nisur nga kjo deklaratë, prestigjiozia “Marca” ka bërë një artikull special duke publikuar listën e humbësve më të mëdhenj në futboll. Të gjithë janë emra të njohur të futbollit, por që nuk kanë pasur fat në finale.
JAVIER MASKERANO
Ka mbi 20 trofe të fituar. Ka fituar tituj me River Plejt, Korinthiasin dhe Barcelonën. Ka dy trofe të Champions-it e po ashtu dy medalje të arta olimpike. Por ish-kapiteni i Argjentinës ka humbur plot 11 finale, një më tepër se Messi. Me Argjentinën ishte nënkampion në Botërorin 2014 e po ashtu katër herë në Copa America.
PATRIK EVRA
Evra ka fituar tituj me Monakon, Mançester Junajtid, Juventusin. Ka gjithsej 21 trofe. Mbrojtësi i majtë, tashmë i pensionuar, megjithatë ka bilanc negativ sa i takon finaleve.
Ai është futbollisti me më së shumti finale të Champions-it të humbur, gjithsej katër. Ka humbur edhe finalen e Euro 2016 ndaj Portugalisë.
ARJEN ROBEN
Ylli holandez është një tjetër futbollist që ka fituar tituj në shumë vende. Ka fituar me PSV-në, Çelsin, Real Madridin, Bajernin.
Ai po ashtu ka humbur gjashtë finale, dy në Ligën e Kampionëve, tri në Superkupë dhe një të Botërorit (2010). Tri finalet e para të humbura bënë që ai të njihej një kohë si “humbësi”.
MIKAEL BALAK
Plot trembëdhjetë tituj i ka fituar mesfushori i famshëm gjerman. Por viti 2002 nuk ishte i mbarë për Balakun. Atë vit ai i humbi të gjitha. Humbi titullin e Gjermanisë në ndeshjen e fundit. Humbi më pas finale e Kupës me Leverkusenin ndaj Shalkes. Skuadra e tij i kishte humbur edhe finalen e Championsit nga Real Madridi, ndërsa Gjermania humbi finalen e Botërorit nga Brazili.
Balak ka humbur gjithsej gjashtë finale. Vit i keq tjetër për të ishte 2008-a. Humbi finalen e Evropianit nga Spanja dhe finalen e Championsit.
HEKTOR KUPER
Hektor Kuper si trajner ka pasur suksese të shumta. Por ka edhe gjashtë finale të humbura. Si trajner i Majorkës humbi finalen e kupës në vitin 1998. Një vit më vonë humbi finalen e Kupës së Fituesve të Kupave. Me Valencian ishte edhe më i keq bilanci i finaleve. Humbi edhe 2 finale të Championsit, në vitet 1999 dhe 2000. Kuper ka humbur edhe finalen e Kupës së Greqisë me Arisin në vitin 2010 dhe finalen e Kupës së Afrikës me Egjiptin në vitin 2017. Me Interin në vitin 2003 mbeti pa “Scudetto”, ndonëse ishte pranë saj.
Del Piero, Lothar Mateus, Gonzalo Higuain, Xhixhi Bufon, Antoni de Avila janë lojtarët tjerë me shumë finale të humbura, raporton Marca.
