Vetëm një ditë na ndajnë nga zgjedhjet presidenciale të SHBA-së, ku do të mësohet se kush prej Donald Trump apo Kamala Harris do të drejtojë Shtëpinë e Bardhë. Me vetëm disa orë që na ndajnë nga fillimi i zgjedhjeve, BBC ka zbuluar 7 datat që nga nisja e fushatës, të cilat kanë ndikuar te votuesit amerikanë.
27 qershor: Gjatë një debati televiziv midis Joe Biden dhe Donald Trump, performanca e dobët e Biden shënoi një pikë kthese që përfundimisht e çoi atë në tërheqjen e tij nga gara.
13 korrik: Trump u qëllua gjatë një mitingu në Pensilvani. Në këtë incident, republikani u plagos te veshi dhe një foto e tij duke ngritur grushtin teksa po e përcillnin agjentët e shërbimit sekret, u shfaq në bluza të nesërmen.
15 korrik: Në një lëvizje befasuese, Trump zgjodhi JD Vance si zv. presidentin e tij. Autori i Hillbilly Elegy ishte dikur një kritik i ashpër i Trump, por që atëherë ai është bërë një mbështetës i vendosur i ideve të ish-presidentit pasi iu bashkua fushatës.
22 korrik: Joe Biden miratoi Kamala Harris për të marrë mantelin e fushatës presidenciale. Harris tha se ajo ishte e nderuar dhe do të bënte gjithçka me fuqinë e saj për të mposhtur Donald Trump.
6 gusht: Guvernatori i Minesotës, Tim Walz u emërua si zv. president i kandidates demokrate Harris. Ai është përshkruar si popullor.
23 gusht: Kandidati i pavarur Robert F Kennedy Jr u tërhoq nga gara dhe hodhi mbështetjen e tij për Donald Trump. “Unë kam sigurinë se kjo është ajo që duhet të bëj”, tha ai.
10 shtator: Miliona njerëz në SHBA panë Kamala Harris dhe Donald Trump të përballen në një debat 90-minutësh të transmetuar drejtpërdrejt në ABC News.
/a.r
