• Kontakt
  • Kreu
  • Rreth Nesh
Saturday, November 14, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kronikë

Nga “non grata” në azilant politik! Rrugëtimi i ish-kryeprokurorit, që i ka borxh Shqipërisë 2 vite burg

by A R
14/02/2023 13:08
Shperndaj ne FacebookShperndaj ne Twitter

Adriatik Llalla, ish-Prokurori i Përgjithshëm i dënuar me dy vite burg nga drejtësia shqiptare fiton statusin e azilantit politik në Itali. Vendimi që miratoi kërkesën e tij për azil u miratua nga Gjykata e Apelit Romë. Ish-kryeprokurori shfaqi interes për të përfituar azil prej shtatorit të vitit 2021. Ai e motivoi këtë kërkesë me një proces të parregullt ligjor ndaj tij në Shqipëri. Llalla ka mbi shpatulla një vendim fajësie nga Apeli i Gjykatës së Posaçme, që në shtator 2021 e shpalli fajtor për “fshehje dhe deklarim të rremë të pasurisë”. Ndonëse ky vendim detyronte vajtjen e tij në qeli, Llalla i shpëtoi burgut pasi pak ditë para shpalljes së vendimit ishte larguar drejt vendit fqinj.

I dyshuari Llalla

Statusin e personit “të dyshuar për kryerjen e një vepre penale” Adriatik Llalla e mori në vitin 2018. Më 15 mars të këtij viti Prokuroria e Durrësit regjistroi një hetim penal në emër të tij për katër vepra penale “refuzimit për deklarim, mosdeklarimit, fshehjes ose deklarimi i rremë i pasurisë , interesave private të zgjedhur dhe nëpunësve publikë ose i çdo personi tjetër që ka detyrimin ligjor për deklarim”, “mosdeklarimit të shumave të të hollave ne kufi”,  “Pastrimit të produkteve të veprës penale “ dhe të “Shpërdorimit të detyrës”. Disa muaj më vonë hetimi ndaj tij u zhvendos në Prokurorinë për Krimet e  Rënda. Pas disa zgjatjesh të afatit të hetimeve, dosja në ngarkim të tij u dërgua për gjykim në nëntor të vitit 2020. Ndryshe nga dyshimet fillestare, ish-Prokurori i Përgjithshëm u dërgua për gjykim vetëm për akuzën e “fshehjes e mosdeklarimit të pasurisë”.

Llalla “non grata”

Paralelisht me hetimin penal ndaj tij, Adriatik Llalla mori të tjera “ndëshkime”. Në ditë para nisjes së hetimit penal ndaj tij në Shqipëri, Llalla u shpall “non grata” Shtetet e Bashkuara të Amerikës, duke i bërë një nga tre zyrtarët e parë të lartë shqiptarë që merrnin këtë masë nga Departamenti i Shtetit. Pengimi i hyrjes së tij në territorin amerikan u motivua me artikullin 7031 (c), që flet për rastet e dyshimeve për përfshirje në mënyrë ‘domethënëse’ në korrupsion ose shkeljeve të mëdha të të drejtave të njeriut. Bashkë me Llallën iu ndalua hyrja në SHBA edhe bashkëshortes dhe dy fëmijëve.

“Përplasja” me SHBA

Shpallja “non grata” e Llallës u parapri nga një klimë e tensionuar mes kryeprokurorit në detyrë dhe ambasadorit të kohës të Shteteve të Bashkuara në Tiranë, z. Donald Lu. Gjatë fjalës së tij në një konferencë në shkurt të vitit 2017 ambasadori Lu hodhi akuza publike drejt Llallës, si person që ishte kundër Reformës në Drejtësi. Akuzave Llalla iu përgjigj me një deklaratë për shtyp të Prokurorisë së Përgjithshme, ku pretendonte se ambasadori po ushtronte shantazh me pikëpamje “sorosiane”.

Pak ditë para kësaj përplasjeje publike, Llalla ishte listuar mes emrave të disa gjyqtarëve dhe prokurorëve që iu ishte revokuar viza amerikane. Për këtë fakt Llalla i ishte drejtuar me një notë ankese Presidentit Bujar Nishani dhe kreut të Parlamentit, Ilir Meta. “Nuk hezitojmë të shprehemi se, sjellja e Ambasadorit Amerikan në Tiranë mund të konsiderohet edhe si një hakmarrje e tij personale për qëndrimet parimore të Prokurorisë së Përgjithshme”, thuhej ndër të tjera në shkresë.

Procesi gjyqësor

Ndonëse u hetua nga Prokuroria për Krimet e Rënda, akuza në sallën e gjyqit kundër Adriatik Llallës u përfaqësua nga prokurorët e SPAK. Në përfundim të përballjes gjyqësore, SPAK kërkoi deklarimin fajtor të të pandehurit për “fshehje e mosdeklarim të pasurisë” në tre raste dhe dënimin e tij me 2 vjet burg. Si dënim plotësues u kërkua heqja e të drejtës së ushtrimit të funksioneve publike për 5 vite.

Llalla në vijimësi mbajti qëndrim mohues ndaj akuzës. Njëkohësisht ai paraqiti dokumentacion para gjykatës, përmes të cilit, pretendonte të provonte se vuante nga probleme shëndetësore.

Në 20 maj 2021, në një seancë ku ishte prezent edhe ish-kryeprokurori, Gjykata e Posaçme pranoi dënimin e kërkuar nga SPAK. Përveç 2 viteve burg dhe pengimit të ushtrimit të funksioneve publike për 5 vite, gjykata vendosi konfiskim të pasurive, gati 22 mijë metra katrorë truall dhe një apartament në Durrës. Vendimi i Shkallës së Parë u la i pandryshuar në Apel në shtator të të njëjtit vit. Sipas këtij vendimi, Llalla duhet të shkonte në burg, por pak ditë para shpalljes së tij, ish-kryeprokurori ishte larguar nga vendi.

Një ish-kryeprokuror në kërkim

Pas vendimit të Apelit të Posaçëm oficerët e policisë zbarkuan në shtëpinë e Llallës, ku u kthyen duar bosh. Pasi u ezauruan të gjitha kërkimet brenda vendit, ish-kryeprokurori u shpall në kërkim ndërkombëtar.

Tre muaj më vonë, Llalla u ndalua në Romë, Itali, në zbatim vendimit gjyqësor të dënimit të tij me burg. Në më pak se 24 orë, ai fitoi lirinë. Për shkak argumenteve shëndetësore të paraqitura, pala italiane caktoi ndaj tij vetëm masën e sigurisë “ndalim për dalje nga territori”. SPAK nuk humbi kohë. Një ditë më vonë i përcolli Ministrisë së Drejtësisë dokumentacionin e nevojshëm për ekstradimin e Adriatik Llallës nga Italia në Shqipëri. Procesi i ekstradimit në vendin fqinj, ngeli në “vend numëro”, pasi paralelisht Llalla kishte kërkuar të përfitonte statusin e azilantit politik.

Ish-kryeprokurori azilant

Vendimi gjyqësor i Apelit të Romës mbi pranimin e kërkesës së Adriatik Llallës për azil zbeh shpresën e drejtësisë shqiptare për ekstradimin e tij dhe njëkohësisht për vuajtjen e dënimit me 2 vite burg.

Sipas avokatit të tij, Sokol Hazizaj, Llalla mundi të bindë palën italiane se i ishte nënshtruar një procesi jo të rregullt ligjor në Shqipëri. Ish-kryeprokurori ka pretenduar se procesi ndaj tij ishte i ndikuar nga politika.

Në verdiktin e saj, pala italiane ka ngritur dyshime mbi bazueshmërinë e vendimit të Gjykatës së Posaçme. Duke iu referuar problemeve shëndetësorë të ish-kryeprokurorit dhe dënimit me burg ndaj tij, Apelit i Romës, ka nënvizuar se legjislacioni shqiptar për dënime të tilla nuk mund të aplikojë dënimin me burgim.

A2CNN / a.r

Next Post

Horoskopi ditor për nesër, e Mërkurë 15 Shkurt 2023

Leave a Reply Cancel reply

Your email address will not be published. Required fields are marked *

TË FUNDIT

A do të kandidojë për Shkodrën? Karakaçi: Mbështes Benet Becin për një mandat të dytë

A do të kandidojë për Shkodrën? Karakaçi: Mbështes Benet Becin për një mandat të dytë

November 13, 2026
Gjenerata Z ngrihet kundër Merz, mbi 150 mijë të rinj regjistrohen për protesta në të gjithë Gjermaninë. Letër të hapur kancelarit

Takimi Trump-Putin në Kinë, Merz paralajmëron SHBA-në: Mos na lini jashtë bisedimeve

November 13, 2026
Mijëra vetë të ekspozuar ndaj fruthit, alarm në një prej aeroporteve më të ngarkuar në botë

LAJMI I FUNDIT: SHBA mbyll qiejt, qindra aeroporte ndërpresin fluturimet “për arsye sigurie”

November 13, 2026
Gara për Tiranën, Tabaku: Kandidati i opozitës duhet të ketë përvojë politike dhe menaxhuese

Gara për Tiranën, Tabaku: Kandidati i opozitës duhet të ketë përvojë politike dhe menaxhuese

November 13, 2026
Alarm për katastrofë ekologjike në Gjirin Persik, ndotja mund të zgjasë me dekada

Alarm për katastrofë ekologjike në Gjirin Persik, ndotja mund të zgjasë me dekada

November 13, 2026
BE-ja përcakton ekipin për negociatat e paqes në Ukrainë, pesë fuqitë europiane në tryezë

BE-ja përcakton ekipin për negociatat e paqes në Ukrainë, pesë fuqitë europiane në tryezë

November 13, 2026
Shqipëria drejt BE-së, Kallas: Po bëhen hapa përpara në procesin e zgjerimit

Shqipëria drejt BE-së, Kallas: Po bëhen hapa përpara në procesin e zgjerimit

November 13, 2026
VIDEOLAJM/ Një sprovë e suksesshme në pikturë e skulptorit Vladimir Llakaj

VIDEOLAJM/ Një sprovë e suksesshme në pikturë e skulptorit Vladimir Llakaj

November 13, 2026
“Të gjetëm!”, Elton Tozaj rrëfen sulmin në Greqi: Më goditën me leva dhe doreza hekuri

“Të gjetëm!”, Elton Tozaj rrëfen sulmin në Greqi: Më goditën me leva dhe doreza hekuri

November 13, 2026
Policia zbarkon në hyrje të Vlorës, kontrolle për personat në kërkim dhe sendet e paligjshme

Policia zbarkon në hyrje të Vlorës, kontrolle për personat në kërkim dhe sendet e paligjshme

November 13, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In