Dalin detaje të reja lidhur me përdhunimin në Durrës, ku një vajzë vetëm 16 vjeçe, denoncoi në polici se e kanë përdhunuar.
Mësohet se e mitura ishte njohur me të riun e akuzuar, në rrjetin social Instagram.
Pas disa bisedave mes tyre, ata kishin caktuar takim për tu njohur nga afër dhe kështu ndodhi.
Por takimi përfundoi me marrëdhënie seksuale me dhunë, dhe 18-vjeçari i prangosur.
Kjo pasi pas kafes 18-vjeçari D.M., kishte kërkuar që të kryenin marrëdhënie seksuale, por e reja e kishte refuzuar.
Kështu i dyshuari e ka mënjanuar në zonën e “Plazhit” në Durrës dhe aty sipas adoleshentes, pretendon se e ka përdhunuar.
Ngjarja e rëndë ka ndodhur gjatë kësaj fundjave, ndërkohë që të dielën u bë arrestimi i autorit të dyshuar. Noa.al mëson se ka qenë e mitura ajo që ka bërë denoncimin në polici, duke çuar në arrestimin e të dyshuarit.
Kështu nga specialistët për hetimin e krimeve në stacionin e Policisë Plazh, u arrestua në flagrancë D.M., 18 vjeç, banues në Durrës.
Lidhur me këtë ngjarje hetimet janë në vijim, ndërkohë që materialet iu referuan Prokurorisë së Durrësit për veprime të mëtejshme. Sakaq pritet ekspertiza e të miturës, për të zuluar më shumë mbi pretendimet e saj.
g.kosovari
