Kush mendonte se pas largimit të Tahirit fshihet një plan për të kaluar butësisht drejt një ekzekutivi teknik, siç është afishuar në kërkesën e përsëritur të opozitës, mesa duket gabohet. Lajmet që vijnë këto orë nga maxhoranca bëjnë me dije se Rama po planifikon të largojë nga kabineti një pjesë të ministrave që janë krerë qarqesh në fushatën e zgjedhjeve të ardhshme politike.
Të paktën ky është shpjegimi që i jepet largimit të përfolur të disa ministrave, së bashku me ministrin e brendshëm, i cili vijon të mos e konfirmojë dorëheqjen nga posti. Duket se PS po bëhet gati të kryejë disa lëvizje të rëndësishme në prag të fushatës, por ajo që mbetet të shihet është impakti real që këto lëvizje do të kenë në rezultatin zgjedhor. Pra, jo një pakt i fshehtë me opozitën, por thjesht një ndryshim emrash në një qeveri që parashikohet të mbetet sërish politike.
Ministrat socialistë, që do të drejtojnë fushatën e PS-së
Saimir Tahiri – Tiranë
Damian Gjiknuri – Vlorë
Niko Peleshi – Korçë
Ditmir Bushati – Shkodër
Blendi Klosi – Berat
Lindita Nikolla – Lezhë
Mimi Kodheli – Dibër
Bledi Çuçi – Gjirokastër
Ilir Beqja – Kukës
