Yjet botërore parakaluan mbrëmjen e sotme në tapetin e kuq për natën më të madhe të Hollivudit. Sytë e të gjithëve ishin për të parë kombinimet dhe zgjedhjet që ata kishin bërë për këtë event.
Nicole Kidman, Zoe Kravitz dhe Jessica Chastain zgjodhën ngjyrën pastel perfekte për kohën e ngjarjes prestigjioze ndërsa Zendaya preferoi ta ndezë atmosferën me një fund të argjendtë dhe bluzë saten për një pamje më rinore.
Çmimet Oscar fillimisht duhej të mbaheshin në shkurt 2022, por u shtynë një muaj pas për shkak të Super Bowl dhe Olimpiadës Dimërore 2022.
Dukej sikur yjet po kompensonin kohën e humbur duke u veshur me stilet e tyre më magjepsëse pasi vitin e kaluar ceremonia e humbi shkëlqimin për shkak të pandemisë COVID-19; Shfaqja e vitit të kaluar u zhvillua gjithashtu në Stacionin Union në qendër të Los Anxhelosit për shkak të udhëzimeve për distancimin shoqëror.
Nicole Kidman mahniti me një fustan bojë qielli, me një bel voluminoz dhe një fund të montuar.
Zoe Kravitz zgjodhi një fustan rozë me një dekolte pa rripa me një detaj me hark.
Aktorja e Batman – e cila luajti “Catwoman” përballë Robert Pattinson, e kombinoi veshjen elegante me një diamant dhe balluke të shkurtra të frymëzuara nga Audrey Hepburn.
Xhesika mbërriti me një fustan të mrekullueshëm rozë dhe livando ombre, i cili i nxirrte në pah belin e saj.
Jessica, kombinoi veshjen me një palë vathë diamanti, një byzylyk dhe unaza për edhe më shumë shkëlqim.
Mila Kunis gjithashtu u shfaq në tapetin e kuq veshur me nje fustan rozë të lehtë me nje të çarë të thellë para, çfarë nxirrte në pah sensualitetin e saj.
