Kryeministri Edi Rama gjatë takimit të përjavshëm me qytetarët që kanë gjetur zgjidhje nga platforma e bashkëqeverisjes, ka marrë një koment jo të zakontë nga një qytetar.
Qytetari i tha Ramës se nga mediat duket shumë i ashpër, por gjatë takimit përballë i është dukur sikur po takonte një mik të vjetër.
“Nga larg ngjan shumë i ashpër, por sot nga afër m’u duke si një shokun im të vjetër”, tha qytetari.
Por në përgjigje, Edi Rama ka thënë se nuk është aq i butë sa duket, por nuk është dhe aq i egër.
“Më vjen keq që dukem aq i ashpër nga larg, por dhe kaq i butë sa t’u duka sot ty nuk jam”, tha kryeministri duke qeshur.
Ndërkohë që në përmbledhje të aktivitetit kryeministri tha se arritjet me platformën, duke të tregohen nga qytetarët, pasi sipas tij ka tjetër impakt në opinion nëse i tregojnë vetë përfituesit.
“Tjetër gjë është kur e them unë që dukem i ashpër nga larg dhe tjetër kur e tregon dikush nga që vjen nga Lezha, dhe lerë pastaj kur e thotë dikush që je më butë seç dukesh”, ka thënë Rama duke qeshur.
g.kosovari
