Fshati i Lazaratit, rreth 1 vit pas aksionit të suksesshëm të policisë për asgjësimin e lëndës narkotike që kultivohej, është rikthyer sërish në qendër të vëmendjes. Këtë radhë nuk bëhet fjalë për kultivim të kanabisit, por për pjesmarrjen rekord të banorëve të fshatit për të votuar.
Në këtë mënyrë, pas viteve të tëra bëmash si shkelje të ligjit, Lazarati duket se ka zgjedhur të japë një shembull qytetarie duke iu përgjigjur me votë problemeve që ato i shqetësojnë. Kjo pasi nga të dhënat e KQZ rezulton se Lazarati të jetë zona me numrin më të lartë të votuesve me plot 78% prej tyre.
Fshati rebel, një bastion historik i PD-së, ka dalë thuajse i tëri për të votuar. Megjithatë pritet që të shihet se cili ka qenë verdikti i banorëve të kësaj zone, por ama diçka është e sigurt: lazaratasit këtë radhë kanë zgjedhur që të rebelohen me votë dhe jo me armë dhe kanabis.
