Dy persona të maskuar dhe armatosur futen në banesën e 13-vjeçares dhe tentojnë që ta rrëmbejnë në prezencë të babait.
Ngjarja e frikshme ka ndodhur dy ditë më parë, rreth orës 21.30, në fshatin Rrilë të Lezhës. Babai i të miturës ka treguar gjithçka që ka ndodhur në banesën e tij.
“Ishte ora 21:30, kur dy persona të maskuar dhe armatosur u futën në banesën time. Ata më morën vajzën e cila është 13 vjeç dhe i kërkuan asaj që të thërrasë fqinjin, tonë. Më pas tentuan që të fusin me forcë në mjetin e tyre. Kjo nuk është hera e parë që ndodh një ngjarje e tillë. Para një jave, në të njëjtën orë, një person i maskuar dhe armatosur e ka kërcënuar vajzën në kohën që ajo ishte në verandën e banesës”, ka treguar shtetasi A.T., përpara grupit hetimor./Gazeta Shqip/
