Nga Karavaxho tek Pikaso, 10 artistët e famshëm që ishin kriminelë
Nga vrasjet e argjendarëve deri te vrasjet e baballarëve të tyre, seks me vajza adoleshente dhe vjedhje mallrash, historia e artit është e mbushur me krime. Prestigjiozja britanike “The Guardian” ka stiluar dhjetë artistët kriminelë të historisë.
1- Karavaxho
Nuk mund të bëni një listë prej 10 artistësh kriminelë pa futur në listë Mikelanxhelo Merisi-n, të ashtuquajturin Karavaxho. Kualiteti artistik i Karavaxhos është aq realist sa na vendos ne në qenër të rrugëve të Romës së hershme të shekullit 17. Në ato rrugë ai ishte një njeri i rrezikshëm. Agresiv dhe gjithnjë me temperament prej të sëmuri, Karavaxho me një shpatë ishte gjithnjë në grindje me rivalët e tij. Një herë , ai vrau një burrë në sheshin e Romës, dhe iu desh të largohej nga qyteti. Gjatë arratisjes ai bëri piktura të cilat dukeshin se ishin gjithë faj, përfshi vetë portretin e tij ku sytë i kishte gjithë dëshpërim nga mëkatet e tij.
2 – Benvenuto Cellini
Por reputacioni i Karavaxhos si një kriminel shpeshherë është ekzagjeruar. Zënkat nëpër rrugë nuk ishin të rralla në kohën e tij dhe ai tregon pendesë në artin e vet. Ndryshe ishte Benvenuto Cellini që në shekullin e 16-të vrau në mënyrë të vazhdueshme pa keqardhje dhe pa u dënuar. Ai goditi me thikë për vdekje vrasësin e vëllait të tij. Ai gjithashtu vrau një argjendar rival dhe qëlloi për vdekje pronarin e një hani. Benvento i tregon të gjitha krimet në autobiografinë e tij. Ai arriti të shmangte dënimin me ekzekutim sepse ishte një artist shumë i admiruar. Në ato kohë, gjenitë mund t’ja dilnin me vrasjet e tyre.
3-Banksy
Arti i grafitit konsiderohet si shkelje e ligjit, dhe Bansky i Britanisë bëri një karrierë brilante me pikturat e tij nëpër vende të ndryshme. Pjesë e suksesit të tij është aftësia për t’ju shmangur kapjes. Punët e tij që dikur u fshinë nga zotërit e pronave sot cilësohen si një thesar i çmuar që duhet ruajtur, ose shitur.
4-Egon Schiele
Në vitin 1912 ky artist i rrezikshëm erotik nga Austria u arrestua pasi supozohej se kishte kryer marrëdhënie seksuale me një adoloshente. Schiele ishte 22 vjeç në atë kohë – dhe motive i vërtetë për arrestimin e tij ishte një ngjarje horror e ndodhur në një qytezë të vogël ku thuhet se Egon Schiele i tërhiqte modelet e tij nga të brëndshmet.
5-Pikaso
Artisti më i madh modern mori sendet e vjedhura në fillim të shekullit 20 kur shoku kriminel i një miku të tij – lidhjen përmes tyre e bëri poeti Apollinarie – vodhi disa statuja të lashta Iberike nga Luvri. Ata përfunduan në studion e Pikasos, të cilat ai i studioi dhe e frymëzuan për artin e tij revolucionar.
6-Frati Filippo Lippi
Gjeniu i Rilindjes, frati Filippo Lippi, joshi një murgeshë të re të quajtur Lucrezia Buti. Ata kishin sëbashku një djalë dhe një vajzëz. Por a u skandalizua Firence e shekulli të 15 nga ky akt që binte në kundërshtim me kishën? Në fakt jo. Lippi ishte një artist i preferuar, madje njëriu më i fuqishëm në qytet, dhe si rezultat ai nuk u dënua kurr për krimin e tij. Djali i tij i paligjshëm Filippino u rrit dhe u bë një artist i madh.
7-Olive Ëharry
Artistja britanike, Olive Ëharry, në fillim të shekullit 20 u dërgua në burg pasi dogji shtëpinë e çajit në Kopshtin Keë. Ëharry gjithnjë kujtohej për kundërshtimin që ajo i bënte ligjit nëpërmjet artit të saj. Ngjyrat e saj të këndshme me të cilat pikturonte binin në kontrast të çuditshëm me veprimet e saj të këqija.
8-Shepard Fairey
Artisti i rrugëve më i famshëm i Amerikës bashkëkohore dhe krijuesi i posterit të “Shpresës” (Hope), pikturë të cilën policia refuzoi ta shihte si art të mirëfilltë. Ata e dënuan penalisht Shepard-in nën akuzën e dëmtimit të pronës.
9-Carlo Crivelli
Artisti i shekulli të 15 është i famshëm për pikturat e tij me përmbajtje fetare, femra shenjtore dhe imazhe hiper-realistike frutash.Arti i tij ishte bërë për kisha në lindje të Italisë. Në fakt, arsyeja se pse Crivelli i bënte punimet e tij në këto qytete të vogla, ishte sepse ai kondsiderohej një person non-grata në Venecia pasi u dënua se kishte fjetur me gruan e një burri tjetër.
10-Richard Dadd
Artisti i ri dhe i talentuar viktorian, Richard Dadd u godit tragjikisht nga një sëmundje mendore gjatë turit të tij në Europë. Mos sëmundja e tij erdhi për shkak të tensioneve mes Anglisë Viktoriane dhe ndjeshmërisë nga klimat e huaja? Kur arriti në shtëpi, ai goditi me thikë për vdekje babain e tij dhe harxhoi pjesën tjetër të jetës nëpër burgje dhe institucione mendore ku ai pikturoi skena fantastike. Richard vdiq në Broadmoor.
