Deputetja e Partisë Demokratike, Jorida Tabaku ka folur pas takimit me ambasadoren amerikane në Tiranë, Yuri Kim.
Në një postim në Twitter, Tabaku thotë se pjesë e diskutimeve me diplomaten amerikane ishte procesi i integrimit të Shqipërisë në BE, dhe përmbushjes së kushteve duke nisur nga lufta kundër korrupsionit dhe krimit të organizuar e zgjedhjet e lira.
Deputetja demokrate bën të ditur se ka shprehur edhe shqetësimet e opozitës për disa nisma si amnistia fiskale, pasaportat e arta dhe legalizimin e kanabisit.
Postimi i Jorida Tabakut në Twitter:
Sot diskutova me @USAmbAlbania prioritetet e procesit të integrimit europian, rëndësinë e përfshirjes së Kuvendit. S’ka rrugë tjetër veç përmbushjes së kushteve për të sjellë ndryshimin:Lufta korrupsionit, krimit të organizuar; zgjedhjet e lira&ndershme duhet të jenë kryefjala e politikës!
Gjithashtu fokus të veçantë me @USAmbAlbania morën dhe shqetësimet e opozitës & ekspertëve të pavarur mbi nismat e fundit qeveritare si:
Amnistia Fiskale, Pasaportat e Arta, Legalizimi Kanabisit që nuk janë projekte nën frymën e integrimit ndaj i duhet thënë stop !
E angazhuar për të mbikqyrur&kontrolluar punën e qeverisë në këtë proces; duhet ndryshuar mentaliteti administratës publike!
I bëj thirrje qeverisë ta përdorë procesin e integrimit si një mënyrë për tërheqjen e mijrave të rinjve të talentuar që janë larguar nga Shqipëria.
/e.d
