Pronari i klubit gjerman të futbollit, Hofenheimit, Ditmar Hopp, mund të sjellë shumë shpejt vaksinën kundër koronavirusit.
I urryer nga grupimet ultras të tifozëve të gjithë skuadrave të Bundesligës, presidenti i Hoffenheim, Dietmar Hopp mund të kthehet në njeriun që mund të shpëtojë botën nga Covid-19.
Kompania e tij farmaceutike CureVac, e cila u përfol se do të blihej nga presidenti aktual i Shteteve të Bashkuar të Amerikës, Donald Trump, po investon shuma të mëdha parash për krijimin e vaksinës ndaj COVID-19.
“Vaksina efektive kundër COVID-19 jo vetëm që duhet të arrijë dhe të mbrojë njerëzit, por edhe të ketë më shumë solidaritet me ta”, – tha Hop.
Ndërsa Ministri Federal i Ekonomisë, Peter Altmaier, theksoi për ARD se në rast se do të arrihet krijimi i vaksinës, ajo nuk do të shitet kurrë.
“Ishte një vendim i shkëlqyeshëm nga drejtuesit e kompanisë. Nga dëshira për të ofruar një vaksinë të mundshme për të gjithë, ata duan ta bëjnë të qartë se çfarë domethënie ka përballimi i një krize të tillë. Gjermania nuk është në shitje!”
Sipas gjermanes “Der Speigel”, kompania CureVac po eksperimenton me vaksinën kundër koronavirusit dhe sipas lajmeve të fundit, vaksina po jep rezultate shpresëdhënëse.
