Pak para se të dilnin në ‘Foltore’ para Kryeministrisë, këtë të hënë Sali Berisha mblodhi grupin e PD në selinë blu.
Në diskutimet që u zhvilluan në këtë mbledhje me dyer të mbyllura, një ndër vendimet e marra ishte për të çuar në Gjykatën Kushtetuese zgjedhjen e Endrit Shabanit si Avokat i Popullit, në mënyrë që ky post t’i hiqet këtij të fundit.
Një tjetër diskutim në tryezën e demokratëve ishte në lidhje me qëndrimet që PD duhet të mbajë në ‘luftën’ ndaj qeverisë. Si hap të fundit, disa deputetë propozuan edhe grevën e urisë në Parlament.
Ndërkohë u diskutua edhe për komisionet parlamentare, ku ditën e nesërme u tha se nuk do të merret pjesë, pasi demokratët duhet të jenë në terren për të mobilizuar qytetarët për protestën kombëtare të 22 dhjetorit.
