Mark Frroku duket se pavarësisht vendimi të Gjykatës për ta lënë në burg, nuk i ka kursyer batutat dhe ironitë në sallën e gjyqit. Siç raporton gazeta “Panorama”, Frroku para nisjes së seancës ka përshëndetur miqtë dhe familjarët e pranishëm në sallë.
Fjalës së njërit prej të afërmve se “po dukesh mirë”, deputeti iu përgjigj me “Enver Hoxha thoshte që nuk duhet t’i bëjmë qejfin armikut”.
Më tej deputeti tha se nuk po konsumonte darkën dhe se po ushtrohej në mundësitë që i jepte qelia.
“Ke edhe birra, apo jo?”, e pyeti një tjetër nga salla. “Po, po”, – vijoi ironinë e të afërmit deputeti – “Ka birra dhe uiski”.
