Kryeministri Rama ka publikuar pak më parë një video të shfaqur përpara delegatëve të Kongresit të Partisë Socialiste, me momentet më kryesore të drejtuesve dhe zërave më influencues brenda saj.
Fjalimi i Dritëro Agollit para Kongresit të PPSH, Fatos Nano dhe dalja e tij në gjyq me pranga në duar, ecja e Ramës krah për krah me Ruçin, Gërdeci e 21 Janari janë momentet kryesore që shfaqen në video.
Protestat e dhunshme të vitit ’96 kur protestuesit qëndronin me tanke dhe kundraajror para Kryeministrisë, marrja e Bashkisë së Tiranës nga Rama dhe tërmeti i 26 nëntorit janë gjithashtu disa nga momentet pikante që kanë bërë që kryeminsitri të shpërndajë videon dhe ta quajë atë si më të bukurën e Kongresit.
Në video nuk mungon as shtrëngimi i duarve mes Ramës dhe Bashës pas marrëveshje së arritur më 17 majit 2017, çka solli daljen e PD nga çadra e ngritur në mes të bulevardit dhe emërimin e ministrave teknikë për zgjedhjet paralamentare.
