Nisi si student i Dhjetorit për t’u bërë pjesë e parlamentit të parë pluralist në moshën 22-vjeçare. Pjesëmarrësa aktiv në mbi 20 fushata elektorale përgjatë 35 viteve në politikë, por ajo e para mbetet më e veçanta në historinë politike të Pandeli Majkos. Student i Dhjetorit apo biri i një babai me bindje thellësisht të majta në kohën e përmbysjes së diktaturës?! Biseda me të atin para se të shkonte për herë të parë drejt kutisë së votimit, më 31 mars 1991, në zgjedhjet e para pluraliste.
Fushata e parë elektorale si kandidat për deputet e gjeti në një realitet të ashpër, me vështirësitë e një vendi që ende nuk e kishte ndarë të shkuarën nga e ardhmja. Një parti që po transformohej, por që mbante ende mbi supe peshën e “çetës plakë” dhe një brez të ri që kërkonte të bënte kthesën.
Kulmi i karrierës arrin në vitin 1998 kur zgjidhet kryeministër në moshën 31-vjeçare — një nga figurat më të reja që ka mbajtur këtë detyrë në historinë e vendit.
Sot, pas 35 vitesh në politikë, Pandeli Majko përballet me një tjetër sfidë: fushata e fundit, por jo më pak e rëndësishme. Një reflektim mbi rrugën e bërë, sfidat e kapërcyera dhe pyetjet që ende kërkojnë përgjigje në Shqipërinë e pas tranzicionit.
