Kryeministri Edi Rama nuk është ndalur vetëm me një mesazh ngushëllimi për vdekjen e gardistit drejtuar familjes së tij. Ai e ka quajtur të paimagjinueshme se si opozita i thotë familjes që djalin ia vranë mafiozët. Pa i fshehur emocionet, kryeministri tha se kjo nuk ndodhte as në mesjetë.
“Si mund t’i thuash dy prindërve ta vranë mafiozët djalin kur djali në kushtet e një gjendje që s’ka kush ta shpjegojë më dhe ai vetë nuk është më kryen vetëvrasje. Si mund t’ia bësh një gjë të tillë një familjeje. Kjo nuk perceptohej as një historinë e mesjetës.
Si mund të kërdisësh në radio, TV a thua se këtu s’ka fëmijë, familje që duhen ndihmuar apo të paktën lënë rehat. Duke u futur në çdo familje dhe thënë 1001 të zeza. Në këto kushte jemi”, tha kryeministri.
“Ai tha se kjo qeveri nuk ka bërë mrekulli por janë të angazhuar me mish e shpirt. Kryeministri shpërtheu ndaj opozitës duke i quajtur Esat Pashë Toptanë të shekulli të 21-të.
Ne që të jemi të qartë nuk kemi bërë asnjë mrekulli. Kemi plot gjëra për të përmirësuar, kemi bërë gabimet tona. Nuk jemi engjëj, jemi shqiptarë si gjithë të tjerët, me të mirat dhe të metat. Por një gjë është e sigurt që në këtë punë jemi të angazhuar me mish e me shpirt, me aq sa dimë me aq sa mundemi. Po këta ça janë, nga vijnë këta, nga cili pyll i errët i historisë sonë kanë dalë. Ça janë këta që na kanë risjellë Esat Pashë Toptanin në shek. E 21 në mes të parlamentit. Pa dallim seksi, burra e gra që flasin, pa ditur ku shkon fjala. Do bëhet teatri dhe 230 mln u vodhën. Po ajo aq kushton e gjitha.
Ujku, ujku, çakalli bën kërdinë. Këta çakallit i marrin të keqen. Nuk di me çfarë t’i krahasoj”, deklaroi kryeministri.
a.ç
