Protesta që u organizua këtë të shtunë opozita e bashkuar është pasqyruar dhe nga mediat ndërkombëtare. Ata shkruajnë se si mbështetësit e opozitës bllokuan kryqëzimet kryesorë të rrugëve në kryeqytet dhe hyrjen para godinës së institucionit të kryeministrisë. Artikujt vënë theksin tek fakti se kjo protestë u mbajt pasi opozita kërkon rrëzimin e qeverisë dhe krijimin e një qeverie tranzitore thirrje dhe retorikë kjo e artikualuar edhe më herët nga Kreu i Partisë Demokratike, Lulzim Basha.
Kështu agjencia ndërkombëtare e lajmeve Reuters, në artikullin e shkruar me titull “Protestuesit shqiptarë tentojnë të hyjnë me forcë në ndërtesën e qeverisë” shkruan sesi mbështetësit e opozitës shqiptare tentuan të theyjnë kordonin policor këtë të shtunë duke hedhur benzinë dhe flakadanë.
“Mbështetësit e opozitës shqiptare thyen një kordon policor të shtunën pasi hodhën bomba benzine dhe flakadanë ndërsa përpiqeshin të shkatërronin dyert e ndërtesës që strehon zyrën e Kryeministrit Edi Rama, në një protestë ku ata bën thirrje që ai të largohej” transmeton Reuters.
Ndërkohë, prestigjozja “Washington post” shkruan se shumë mbështetës të opozitës shqiptare u përleshën me policinë të shtunën në një protestë anti-qeveritare duke protestuar për atë që ata pretendojën se është një kabinet i korruptuar, jofunksional dhe jo efikase. Sipas prestigjiozes të lajmeve protestuesit kërkuan që qeveria të japë dorëheqjen dhe të mbahen zgjedhjet e parakohshme.
“Mijëra mbështetës të opozitës shqiptare u përleshën me policinë të shtunën në një protestë anti-qeveritare që protestonin për atë që ata pretendojnë se është një kabinet i korruptuar dhe joefikas. Protestuesit kërkuan që qeveria të japë dorëheqjen dhe të mbahen zgjedhjet e parakohshme. Protestuesit, duke hedhur fishekzjarre dhe objekte të tjera, shpërthyen nëpër radhët e policisë ndërsa po përpiqeshin të hynin në zyrën e Kryeministrit socialist Edi Rama. Ata shkatërruan derën kryesore të ndërtesës së qeverisë në kryeqytetin e Tiranës dhe thyen një vepër arti në anën e ndërtesës, por nuk mundën të hynin brenda” transmeton Washington Post.
Ndërkohë lajmi për protestën e dhunshme u bë publik nga disa media të tjera si edhe nga Euroneës e cila transmetoi live protestën për disa orë të zgjatjes së saj. Në një artikull të shkruar Euroneës shkruan se mijëra protestuan zbarkuan nëpër rrugët e kryeqytetit shqiptar, në Tiranë për të kërkuar dorëheqjen e kryeministrit Edi Rama ku një pjesë e protestuesve thyen një kordon policor duke hedhur bomba e më pas u përpoqën të shkatërronin dyert e ndërtesës së godinës së institucionit kryeministristror të vendit.
/a.meta
