Dalin detajet e operacionit ne Tirane per goditjen e veprimtarisë kriminale në fushën e narkotikëve, gjate te cilit u sekuestruan 3.9 kg lëndë narkotike e dyshuar heroinë, armë zjarri, shkop gome, doreza metalike elektrike, neutralizues etj dhe u vune ne pranga dy persona.
Sipas policise, ne pranga u vune shtetasit Klajdi Balla, 23 vjeç dhe Donaldo Llupo, 18 vjeç, te dy lindur në Berat dhe banues me qira në Tiranë.
Shërbimet e Komisariatit të Policisë Nr. 6, në bashkëpunim me Seksionin për Hetimin e Narkotikëve në Drejtorinë Vendore të Policisë Tiranë, në bazë të informacioneve të siguruara në rrugë operative nga burime të ndryshme, se dy persona në zonën e Kombinatit dhe Tiranës së Re, po shpërndanin lëndë narkotike heroinë, kanë organizuar dhe finalizuar operacionin policor të koduar “Kombinati”, si rezultat i të cilit u bë kapja dhe arrestimi në flagrancë i shtetasve Klajdi Balla, 23 vjeç, lindur në Berat dhe banues me qira në Tiranë, i dënuar më parë për prodhim dhe shitje të narkotikëve; Donaldo Llupo, 18 vjeç, lindur në Berat dhe banues me qira në Tiranë.
Sipas policisë, rreth orës 22:00 të mbrëmjes së djeshme, në afërsi të stadiumit “Dinamo” kanë lokalizuar dhe ndaluar shtetasin Klajdi Balla dhe gjatë kontrollit të tij, në një çantë krahu që mbante, në xhepin e brendshëm është gjetur një qese transparente, brenda së cilës kishte lëndë të dyshuar heroinë.
Në bashkëpunim me Seksionin për Hetimin e Narkotikëve të Drejtorisë Vendore të Policisë Tiranë u ushtrua kontroll në banesën e tij me qira në rugën “Gjin Gjergji” dhe nga kontrolli i ushtruar u gjetën dhe u sekuestruan në cilësinë e provës materiale sendet, një armë zjarri pistoletë tip ‘TT’ me dy krehëra metalik dhe 21 fishekë, një shkop metalik me hapje, si ato të punonjësve të Policisë, një sasi lënde narkotike në formë të ngurtësuar, e dyshuar heroinë.
Operacioni ka vijuar me kapjen e shtetasit Donaldo Llupo dhe gjatë kontrollit të këtij shtetasi, Policia i gjeti dhe sekuestroi në cilësinë e provës materiale një përforcues grushti metalik, një elektrik paralizues, një sasi lënde në formë të ngurtësuar, e dyshuar heroinë.
Materialet procedurale do t’i kalojnë Prokurorisë pranë Gjykatës së Shkallës së Parë Tiranë, për veprime të mëtejshme hetimore, për veprat penale “Prodhimi dhe shitja e narkotikeve” dhe “Armëmbajtja pa leje”.
g.kosovari
