Në janar, gjatë merkatos dimërore, Eric Abidal dhe Óscar Grau udhëtuan drejt Katarit për t’i ofruar Xavi Hernández pozicionin e trajnerit të parë të Barcelonës. Këtë javë, “Cadena SER” ka arritur të sigurojë listën me disa kërkesa, që Xavi i bëri klubit katalanas për të pranuar pozicionin në fjalë. Ish-mesfushori i shquar Blaugrana renditi tetë kërkesa konkrete, që të zëvendësonte Ernesto Valverde e shkarkuar. Ato janë:
– Xavi dëshironte të bashkohej me Barcelonën në qershor dhe jo në mes të sezonit.
– Donte kontroll më të madh të zonës sportive të klubit.
– Kërkoi afrimin e Carles Puyol, të cilin e donte pranë zyrave dhe fushës.
– Donte që vizioni mbi futbollin e bazës të ishte i njëjtë me atë të ekipit të parë.
– Rehabilitim i figurës së Joan Vilá, një person, të cilin e konsideron “babain e tij sportiv”.
– Ai kërkoi afrimin e Jordi Cruyff në klub.
– Rimodelimi i shërbimeve mjekësore të Barçës. Ndryshim të shefit aktual të stafit mjekësor të klubit.
– Ai donte vëllain e tij, Óscar Hernández, si pjesë e stafit stërvitor.
Kur Eric Abidal dhe Óscar Grau ia komunikuan këto kërkesa Josep María Bartomeu, presidenti u befasua dhe urdhëroi frenimin e negociatave, sepse donte një trajner që ta emëronte menjëherë. “Doja një zëvendësues për Ernesto Valverde, këtë janar, nuk dua të pres verën,”- u tha prerë presidenti blaugrana.
g.kosovari
