Admir Murataj ka qenë një nga 11 personat, të cilët në vitin 2013 u arratisën nga burgu i Trikallas në Greqi, ku mbeti i vrarë edhe një polic grek.
Ai ishte pjesë e arratisjes së bujshme që u krye në bashkëpunim me një grup të armatosur nga jashtë burgut, i cili në koordinim të plotë me 11 të burgosurit shqiptarë sulmuan me armë zjarri rojet, duke lënë të plagosur edhe dy prej tyre dhe mundën të largohen.
Madje, personat e armatosur kanë përdorur në përleshjen me forcat policore edhe granata difensive.
Murataj thuhet se ka shpëtuar pas një beteje të vërtetë në zonën Koniska të prefekturës së Etoloakarnanias, ku të vrarët ishin Edison Lika dhe xhaxhai i tij.
Ai ka qenë i dënuar për një vjedhje me armë në një bankë në Lamia, kur me një bashkëpunëtor kanë mundur të rrëmbejnë 1 milion euro.
Edhe pasi u arrestua dhe u çua në burgun e Trikallës, paratë nuk u gjetën kurrë. Pas arratisjes, Murataj thuhet se u largua në Kosovë. Ndjekja e të arratisurve ka vazhduar për më se një muaj dhe gjatë operacionit janë vrarë nga të arratisurit, një grua e re në Korinth dhe një oficer policie. Kurorëzimi i operacionit të forcave speciale greke ka qenë ndjekja dhe asgjësimi i Marian Kolës pranë kufirit shqiptar.
Por që prej asaj ditë, Admir Murataj ishte në kërkim nga policia greke dhe ajo shqiptare.
Pas arratisjes nga burgu grek, Murataj nisi serinë e grabitjeve të bankave në Shqipëri.
I cilësuar si truri i bandës ai nisi vjedhjen e parë në 3 dhjetor të 2015, në aksin rrugor Qafë Kashar-Rinas, në afësi të kryqëzimit të fshatrave Bërxullë dhe Domje, ku u vodhën paratë e një banke të nivelit të dytë.
Ndërsa vjedhja e dytë ndodhi më 9 shkurt 2017, ku iu zu pritë një blindi që transportonte para në aeroportin e Rinasit.
Admir Murataj u ekzekutua në 9 prill në zonën e Rinasit gjashtë shkëmbimit me armë zjarri, teksa bashkë me disa persona të tjerë grabitën disa miliona euro, të cilat do të transportoheshin me avion në Austri.
Murataj ishte i maskuar me një maskë silikoni, ndërsa ende nuk dihen rrethanat e vrasjes së tij.
g.kosovari
