Goditet një tjetër rast në fushën e dhënies ndihmë për kalim të paligjshëm të kufirit, të shtetasve të huaj nga vende të treta, kundrejt fitimit, ku personi që iu kishte dalë garant rrezikoi jetën e klandestinëve me manovrat e bëra për ti shpëtuar policisë.
“Mesnata” u kodua operacioni policor i policisë së Cërrikut, gjatë të cilit u prangos një i dyshuar.
Në aksin rrugor Cërrik-Belsh, shërbimet e policisë kapën në flagrancë 35-vjeçarin M. B., banues në Durrës, duke transportuar drejt Tiranës, kundrejt fitimit 450 euro për person, 10 shtetas sirianë, të cilët i kishte marrë në qytetin e Korçës.
Në momentin e ndërhyrjes së policisë, i dyshuari, nuk i është bindur urdhrit të punonjësit të policisë për të ndaluar dhe në tentativë e sipër për t’u larguar ka humbur kontrollin mbi mjetin duke rrezikuar jetën e shtetasve që transportonte.
Në përfundim të veprimeve u bë arrestimi në flagrancë i M. B., për veprat penale “Ndihma për kalim të paligjshëm të kufirit”, “Shkelja e rregullave të qarkullimit rrugor” dhe “Mosbindja ndaj urdhrit të punonjësit të policisë së rendit publik”.
/a.r
