Nga 15 qershori, përdoruesit e telefonisë celulare nuk do të paguajnë tarifë shtesë “roaming” në Evropë.
Bashkimi Evropian do t’i japë fund përdorimit dhe afateve kohore për pagesat (roaming) që operatorët celularë zbatojnë ndaj abonentëve të tyre.
Legjislacioni evropian lejon operatorët të krijojnë një kufi për sasinë e trafikut të roaming në dispozicion të përdoruesve, shkruan repubblica.it
Aktualisht, vetëm Fastweb Mobile tregon saktësisht kufijtë: 500 minuta dhe 1GB internet.
Më 15 Qershor qytetarët mund të kryejnë telefonata, të dërgojnë mesazhe dhe të navigojnë në internet sikur të ishin në vendin e tyre.
Nën marrëveshjen e re tarifat me shumicë mes operatorëve do të jenë 7.7 Euro për Gigabajt nga 50 Euro që ishte më parë. Çmimi do të bjerë akoma më tej më 1 Janar të 2018-tës në 2.5 Euro për Gigabajt.
Me këtë rregullore operatorët do ti japin fund pagesave roaming duke mos vendosur ndonjë kufi kohor apo të përdorimit për përdoruesit e celularëve të cilët udhëtojnë në vendet e BE-së.
Kështu një përdorues që është abonent nga cilido shtet brenda BE-së gjatë udhëtimeve të tij në vendet e tjera të BE-së do të mund të përdorë celularin e tij me paketat e mesazheve, të dhënave dhe të bisedave të tarifuara nga operatori i tij pa asnjë kufizim kohor./a.ç
