Modelja braziliane në qendër të skandalit të përdhunimit që përfshin Neymar dha dje një deklaratë në polici.
Pretendimet e 26-vjeçares kanë tronditur botën.
Najila Trindade Mendes de Souza akuzoi yllin e futbollit se e përdhunoi në një hotel në Paris në maj, një akuzë që ai e mohon.
Trindade mbërriti në stacionin e policisë në Sao Paulo në mesditë. Ndërsa mbuloi fytyrën e saj me një xhaketë e zezë dhe u shoqërua nga oficerët. Kurse mediat kishin ‘pushtuar’ komisariatin.
Ajo doli pas 6 orësh dëshmi duke u mbajtur në krahë nga avokati i saj dhe nuk tha asnjë fjalë për gazetarët.
Pamja e saj dramatike erdhi një ditë pasi Neymar dha dëshminë e tij në një stacion policor në Rio de Janeiro, duke ecur me paterica pasi dëmtoi kyçin e këmbës gjata ndeshje miqësore me Katar.
Ai dha një deklaratë mbi hetimet për botimin e mesazheve intime në ËhatsApp dhe fotove të Trindade në mediat sociale pa pëlqimin e saj.
Neymar i tha policisë se një asistent dhe një teknik ishin përgjegjës për publikimin e mesazheve dhe fotove.
Sponsorat e yllit të futbollit brazilian Neymar kanë pezulluar fushatat e reklamave pas një skandali të dyshuar përdhunimi, thanë agjentët e tij të premten.
Një modele akuzoi sulmuesin e Paris Saint-Germain për përdhunim në një hotel në Paris në maj.
Ajo kaloi rreth gjashtë orë duke i dhënë një deklaratë në policinë e Sao Paulo të premten. Ngjarja ka kapluar botën e futbollit.
Edhe Neymar dha një deklaratë në polici pasi publikoi mesazhet intime mes tyre në ËhatsApp dhe videot e fotot e 26-vjeçares në internet.
Akuzuesja pretendon se përveçse përdhunimit vuajti edhe agresionin e lojtarit.
Modelja tha se futbollisti u zemërua pasi ajo nuk pranoi të kryente marrëdhënie seksuale pa marrë masa mbrojtëse.
Sipas saj Neymar vazhdoi të kryente marrëdhënie seksuale me të dhe e goditi në mënyrë të përsëritur.
NR Sports, mbajtësi i të drejtave të emrit dhe imazhit të Neymar, tha se asnjë kontratë sponsorizimi nuk ishte anuluar, ndonëse nuk detajonte se cilat fushata ishin pezulluar.
“Të gjithë partnerët, për arsye të dukshme, janë të vëmendshëm dhe të vetëdijshëm për ngjarjet që po ndodhin,”- u tha në deklaratë.
Nike tha më parë gjatë javës se ishte “shumë e shqetësuar” për akuzat për përdhunim.
Mastercard tha se kishte vendosur të pezullonte fushatën reklamuese me Neymar.
Neymar, një nga emrat më të mëdhenj të futbollit, ka pasur mbështjetje midis brazilianëve pas akuzave.
Sondazhet tregojnë se më shumë se 60% e brazilianëve besojnë se është i pafajshëm, dhe madje edhe presidenti Jair Bolsonaro shpalli publikisht pafajësinë e tij.
