Dy gola të Neymar dhe një i Luis Suarez me 11-metërsh i dhanë fitoren 3-0 Barcelonës në ndeshjen ndaj Villarreal, e zhvilluar pasditen e së dielës në Camp Nou.
Katalanasit i shënuan të tre golat në pjesën e dytë të takimit.
Edhe pse pa lojtarë si Messi, Rakitic, Mascherano apo Rafinha, skuadrës së Luis Enrique i mjaftuan yjet e tjerë (Neymar, Suarez dhe Iniesta) për të marrë 3 pikët e radhës.
Me këtë sukses, Barça ngjitet në kuotën e 27 pikëve, duke pritur ndeshjen e Realit të Madridit për të kuptuar nëse do të jetë e vetme ose jo në krye të renditjes së kampionatit spanjoll.
