Projekti për zgjerimin e unazës së madhe, në zonën e rrethrrotullimit “Shqiponja”, prek edhe banesat ku jetojnë disa nga familjaret e ish-bllokmenëve, në zonën e njohur si ish-pularia. Në një prej këtyre godinave jetonin familjarë të ish bllokmenëve mes të cilëve edhe Nexhmije Hoxha. Kjo godine pritet të ndahet në gjysmë.
Jashtë kameras, banorë të kësaj ndërtese, por edhe të tjera që pritet të preken nga projekti i unazës së madhe, shprehen se nuk janë pyetur dhe nuk u është marrë fare mendim për këtë projekt.
Por e kanë bërë fakt të kryer dhe i kanë lajmëruar vetëm për faktin që duhet të lirojnë shtëpitë. Disa prej banoreve kane nisur të rinxjerrin aktet pronësisë të banesave të tyre. Këto banesa më parë kanë qenë godina të ish reparteve ushtarake dhe ish pularisë, dhe banorët një pjesë i kanë privatizuar duke ua blerë shtetit.
Banorët shprehen se do të protestojnë, pasi unaza e madhe ka patur edhe dy projekte të tjera, që nuk preknin kaq shumë banesa, por sipas tyre u zgjodh ky projekt qe shkatërron jetën e dhjetëra familjeve.
ma.me
