Është përcjellë për në banesën e fundit, bashkëshortja e diktatorit Enver Hoxha që u nda nga jeta ditën e djeshme në moshën 99-vjeçare.
Me arkivolin e mbuluar me flamurin shqiptar, Nexhmije Hoxha është nisur drejt varrezave të Sharrës.
Ceremonia mortore nga familja është mbajtur sot, ku ka qenë të pranishëm të afërm të familjes Hoxha dhe miq, por ka rënë në sy mungesa e djalit të vogël të saj Sokolit.
Kujtojmë se mes bashkëshortes së tij Liljana dhe nënës Nexhmije ka pasur përplasje dhe marrëdhëniet e tyre kanë qenë të shkëputura prej kohësh. Nexhmije Hoxha u nda nga jeta dje në banesën e saj në Laprakë për shkaqe natyrale. /e.s/
