Obelisku “Newborn”, i cili është i vendosur në qendër të Prishtinës, është zhvendosur përkohësisht nga vendi i tij i zakonshëm.
“Newborn” është larguar nga vendi për t’u pastruar nga ngjyrat e përdorura gjatë viteve të fundit. Autori i monumentit, Fisnik Ismaili, përmes një postimi në Facebook, ka njoftuar se “Newborn”-it do t’i gërryhen ngjyrat e përdorura mbi të gjatë përvjetorëve të kaluar dhe do të kthehet me pamje të re.
“NEWBORN sivjet po e merr trajtimin që e ka meritue edhe e ka pritë tash 10 vjet. Po e çojmë me i gërrye ngjyrat, ndryshkun edhe papastërtinë që e ka mbledhë ndër vite.
Kthehet qeto ditë edhe më i bukur, me pamje të re, që tashmë është bë traditë”, ka shkruar ai, cituar nga Express. (b.an)
